kahaani: Tumhara Mann Dekhkar...(Part-1)
"haan ji,kya haal chaal hai?" Aru ke "hello" kahte hi dusri ore se awaz ayi.
"kaun?"
"6 mahine call nahi kiya to meri aawaz hi bhool gayi tum Arunima" wah hansa.
"Siddhant!" wah khushi se boli.
"correct answer"
"Aray,tum Patna mein ho?" Mobile per flash hote Patna ke code ko padha tha Aru ne.
"haan,ghar aya hoon,kuch dino ke liye..Kavita ki shaadi tay ho gayi kal!"
"Aray wah! ye to badi achchi khabar sunai hai tumne..badhai ho,kavita ko bhi meri taraf se congrats bol dena..chalo,Kavita ke baad ab tumhara number hai"Aru ne hans kar kaha.
"main filhal shadi ke mood me nahi hoon" wo bola.
"kyon?"
"tum to sab kuch janti ho,kya karu? dil se uske khayal jaate hi nahi.."wo dheere se bola.
"tum koi dusri ladki dekh lo,ya fir gharwalo ki pasand se hi shadi kar lo"
"haan dekho kya hota hai...abhi to Kavita ki shadi achche se beet jaye,baad ki baad me..."
"to kab tak ho Patna mein?"
"3-4 din aur...tum bhi yahi ho na?" usne pucha.
"haan"
"kal ghar aaun? humein mile bahut din ho gaye hain"
"mera address likh lo,main ab purane ghar par nahi rahti..apna flat liya hai.."Aru ne Siddhant ko pata likhwa diya.
"aur batao,tum kab kar rahi ho shadi?" Siddhant ne pucha.
"pata nahi..."wah nirash swar me boli.
"kyon?kuch hua hai kya?"
"ab phone per kitni baatein bataun?kal milo fir baatein hongi,kitne baje aaoge?"
"subah me hi..10-11 baje ke lagbhag...chalega?"
"bilkul chalega,infact kal lunch mere ghar ..chalega?"
"chalega nahi,daudega" wah hans pada.
"theek hai fir,kal milte hain"
Siddhant Singh,Arunima Pandey ka bahut purana mitra tha.Dono ek hi school college se padhe the.12 saal ki dosti me dono ne apni kitni sari baatein,kitne sukh-dukh ek dusre ke sath baante the. Aru ki mameri bahan Amrita ne bhi college ki padhai Siddhant aur Aru ke sath hi ki thi.College mein hi Amrita aur Siddhant ka prem parwan chadha tha.Aru ne baar baar dono ko samjhaya tha ki ye rishta kabhi shadi tak nahi jayega isliye door raho ek dusre se! Mama ka swabhaw wah janti thi,Aru ka nanihaal paksh kattar brahman tha.Bhale hi Siddhant gora-chitta,dekhne mein achcha,padhai me tez,achche sanskari pariwar ka tha per uske naam se juda 'Singh' shabd uski iss shadi me badhak tha. Aru iss rishte ke anjaam ko janti thi,isliye bar bar usne dono ko aagaah kiya per ek dusre ke prem me pagal Siddhant aur Amrita ne uski ek na suni. Aur fir 3rd year ke exam ke baad Mama ne Amrita ki shadi apne pasand ke ladke se kara di. Roti bilakhti Amrita ko Aru mook darhsak ban dekhti rah gayi. Siddhant ke baare me soch kar uska kaleja 100-100 tukdo mein bant jaata tha.Mana Amrita uski bahan thi,per wo mansik roop se Siddhant se jyada judi hui thi, Siddhant MBA ki pravesh pariksha dene Delhi gaya tha,jahan se fir use Mumbai aur Hyderabad jana tha.Amrita ki shadi ki suchna wah Siddhant ko deti bhi to kahan?
Aur jab Siddhant wapas aaya,to aate hi Aru ke ghar aya Amrita se milne.Per Amrita to ja chuki thi...uski jindagi se sada ke liye. Pahli bar Aru ke samne Siddhant ro diya. Aru ne usse har tarah se samjhane ka prayas kiya. Usse dilasa diya ki Amrita ne uss se bewafai nahi ki thi. Wah to apne parivar ke sanskaro ke aage bebas thi. Aisa nahi tha ki usne apne prem ke vishay me apne pita se kaha nahi tha.Per ek thappad ke sath uska muh band kar diya gaya aur jabardasti shadi ke bandhan mein bandh diya gaya usse.
Kisi tarah samjha bujha kar Siddhant ko apni padhai puri karne ke liye bheja tha Aru ne.Hyderabad me rahkar Siddhant ne MBA kiya.Fir ek company me uski naukri lag gayi.Jab tak business school mein tha,har chutti mein Patna aata tha aur Aru se milta tha.Per jab se usko naukri mili thi usne Patna aana lagbhag chhod hi diya.Bas vyastata ke beech kabhi kabhar Aru se phone per baatein ho jati thi. Siddhant tha nahi,aur amrita apne vivah ke baad pati ke sath Florida chali gayi thi. Toh ek tarah se neeras aur mitravihin jeevan vyatit kar rahi thi Aru. Ab aise mein Siddhant ka phone aya to Aru bahut khush hui.
Agle din bahut utsah ke sath usne Siddhant ke liye khana banaya.Office phone kar ke chhutti le liya tha.Saare kaam khatam karte karte din ke 11 baj gaye.Ek cup coffee ke sath wah aaram se aa kar apne couch per late gayi.Achanak Ashutosh ki yaad ayi.Ashutosh Sharma uska net friend tha.4 saal pahle wah internet per Ashutosh ke sampark me ayi thi.Waise to wah anjaan logo ke sath dosti nahi karti thi per Aashu ke sath use chat karna pahle hi din se pasand aa gaya tha.Jaise jaise din beete,dono ne ek dusre ko jana aur samay ke sath sath bhai-bahan jaisa prem dono ke beech panap gaya tha. Unn dino Aashu Bangalore me rahkar Law padh raha tha aur baad me wahi ke ek Law firm mein use naukri mil gayi thi.Ye dosti 4 saal baad bhi kewal phone per hi simit thi,milne ki baat na kabhi Aashu ne ki,na Aru ne.Per Aru ne usse apna 'legal advisor' bana rakha tha.Zindagi ki har chhoti badi pareshaniyo ko wo Aashu se share karti thi,jaha fans jati thi waha uss se opinion leti thi,aksar Aashu ka decision sahi hota tha. Kabhi dekha nahi tha usko shayad isiliye usko isiliye bina hesitation ke wo sab baat usko bata deti thi. Maana Siddhant uska sabse achcha dost tha per uski vyastata aur pareshaniyo ko dekhte huye apni kisi baat se usse pareshan karna Aru ko uchit nahi lagta tha.
Achanak Aru ke mobile ki ghanti baji.
"hi Aashu! abhi tumhare bare me hi soch rahi thi main"call receive karte hi Aru boli.
"soch rahi thi to call kyu nahi kiya? humein baat kiye huye 5 din ho gaye hain" usne ulahna diya.
"abhi call karne hi wali thi ki tumne kar diya"
"bahane to apke paas kayi hain"
"I swear bhai! sachmuch call karne wali thi"
"chalo,koi nahi..tumhari telipathy kaam kar gayi aur maine call kar diya,achcha batao kya kar rahi ho?class me ho?"
"nahi,aj chhutti per hu,Siddhant aj ghar aa raha hai.hum barso baad fursat se milenge"wah chahaki.
"tumhari aawaz me aisi khushi maine pahle kabhi mahsoos nahi ki hai,tum hamehsa aise hi khush raha karo"
"chahti to main bhi hu aisa,per andar se khushi mahsoos nahi hoti mujhe kabhi"
"ohho,fir udasi,my sweet sis,aj tumhara dost aa raha hai,tumhara best buddy! atleast aj to khush raho,atleast for a day"
"tum thik kah rahe ho Aashu,maine soch liya hai,aj purane dino ko yaad karungi uske sath,I really miss those days"
"you are nostalgic,janti ho,jo log apne purane din,purane dosto,purane parichit logo ko nahi bhulte,wo rishte nibhane me perfect hote hain,baut honest hote hain apne relation me.."
"thanx itni achchi jankari dene ke liye...achcha to fir baad me baat karte hain..lagta hai wo aa gaya" door bell sunn kar Aru ne Ashu se vida liya.
END OF PART-1
"haan ji,kya haal chaal hai?" Aru ke "hello" kahte hi dusri ore se awaz ayi.
"kaun?"
"6 mahine call nahi kiya to meri aawaz hi bhool gayi tum Arunima" wah hansa.
"Siddhant!" wah khushi se boli.
"correct answer"
"Aray,tum Patna mein ho?" Mobile per flash hote Patna ke code ko padha tha Aru ne.
"haan,ghar aya hoon,kuch dino ke liye..Kavita ki shaadi tay ho gayi kal!"
"Aray wah! ye to badi achchi khabar sunai hai tumne..badhai ho,kavita ko bhi meri taraf se congrats bol dena..chalo,Kavita ke baad ab tumhara number hai"Aru ne hans kar kaha.
"main filhal shadi ke mood me nahi hoon" wo bola.
"kyon?"
"tum to sab kuch janti ho,kya karu? dil se uske khayal jaate hi nahi.."wo dheere se bola.
"tum koi dusri ladki dekh lo,ya fir gharwalo ki pasand se hi shadi kar lo"
"haan dekho kya hota hai...abhi to Kavita ki shadi achche se beet jaye,baad ki baad me..."
"to kab tak ho Patna mein?"
"3-4 din aur...tum bhi yahi ho na?" usne pucha.
"haan"
"kal ghar aaun? humein mile bahut din ho gaye hain"
"mera address likh lo,main ab purane ghar par nahi rahti..apna flat liya hai.."Aru ne Siddhant ko pata likhwa diya.
"aur batao,tum kab kar rahi ho shadi?" Siddhant ne pucha.
"pata nahi..."wah nirash swar me boli.
"kyon?kuch hua hai kya?"
"ab phone per kitni baatein bataun?kal milo fir baatein hongi,kitne baje aaoge?"
"subah me hi..10-11 baje ke lagbhag...chalega?"
"bilkul chalega,infact kal lunch mere ghar ..chalega?"
"chalega nahi,daudega" wah hans pada.
"theek hai fir,kal milte hain"
Siddhant Singh,Arunima Pandey ka bahut purana mitra tha.Dono ek hi school college se padhe the.12 saal ki dosti me dono ne apni kitni sari baatein,kitne sukh-dukh ek dusre ke sath baante the. Aru ki mameri bahan Amrita ne bhi college ki padhai Siddhant aur Aru ke sath hi ki thi.College mein hi Amrita aur Siddhant ka prem parwan chadha tha.Aru ne baar baar dono ko samjhaya tha ki ye rishta kabhi shadi tak nahi jayega isliye door raho ek dusre se! Mama ka swabhaw wah janti thi,Aru ka nanihaal paksh kattar brahman tha.Bhale hi Siddhant gora-chitta,dekhne mein achcha,padhai me tez,achche sanskari pariwar ka tha per uske naam se juda 'Singh' shabd uski iss shadi me badhak tha. Aru iss rishte ke anjaam ko janti thi,isliye bar bar usne dono ko aagaah kiya per ek dusre ke prem me pagal Siddhant aur Amrita ne uski ek na suni. Aur fir 3rd year ke exam ke baad Mama ne Amrita ki shadi apne pasand ke ladke se kara di. Roti bilakhti Amrita ko Aru mook darhsak ban dekhti rah gayi. Siddhant ke baare me soch kar uska kaleja 100-100 tukdo mein bant jaata tha.Mana Amrita uski bahan thi,per wo mansik roop se Siddhant se jyada judi hui thi, Siddhant MBA ki pravesh pariksha dene Delhi gaya tha,jahan se fir use Mumbai aur Hyderabad jana tha.Amrita ki shadi ki suchna wah Siddhant ko deti bhi to kahan?
Aur jab Siddhant wapas aaya,to aate hi Aru ke ghar aya Amrita se milne.Per Amrita to ja chuki thi...uski jindagi se sada ke liye. Pahli bar Aru ke samne Siddhant ro diya. Aru ne usse har tarah se samjhane ka prayas kiya. Usse dilasa diya ki Amrita ne uss se bewafai nahi ki thi. Wah to apne parivar ke sanskaro ke aage bebas thi. Aisa nahi tha ki usne apne prem ke vishay me apne pita se kaha nahi tha.Per ek thappad ke sath uska muh band kar diya gaya aur jabardasti shadi ke bandhan mein bandh diya gaya usse.
Kisi tarah samjha bujha kar Siddhant ko apni padhai puri karne ke liye bheja tha Aru ne.Hyderabad me rahkar Siddhant ne MBA kiya.Fir ek company me uski naukri lag gayi.Jab tak business school mein tha,har chutti mein Patna aata tha aur Aru se milta tha.Per jab se usko naukri mili thi usne Patna aana lagbhag chhod hi diya.Bas vyastata ke beech kabhi kabhar Aru se phone per baatein ho jati thi. Siddhant tha nahi,aur amrita apne vivah ke baad pati ke sath Florida chali gayi thi. Toh ek tarah se neeras aur mitravihin jeevan vyatit kar rahi thi Aru. Ab aise mein Siddhant ka phone aya to Aru bahut khush hui.
Agle din bahut utsah ke sath usne Siddhant ke liye khana banaya.Office phone kar ke chhutti le liya tha.Saare kaam khatam karte karte din ke 11 baj gaye.Ek cup coffee ke sath wah aaram se aa kar apne couch per late gayi.Achanak Ashutosh ki yaad ayi.Ashutosh Sharma uska net friend tha.4 saal pahle wah internet per Ashutosh ke sampark me ayi thi.Waise to wah anjaan logo ke sath dosti nahi karti thi per Aashu ke sath use chat karna pahle hi din se pasand aa gaya tha.Jaise jaise din beete,dono ne ek dusre ko jana aur samay ke sath sath bhai-bahan jaisa prem dono ke beech panap gaya tha. Unn dino Aashu Bangalore me rahkar Law padh raha tha aur baad me wahi ke ek Law firm mein use naukri mil gayi thi.Ye dosti 4 saal baad bhi kewal phone per hi simit thi,milne ki baat na kabhi Aashu ne ki,na Aru ne.Per Aru ne usse apna 'legal advisor' bana rakha tha.Zindagi ki har chhoti badi pareshaniyo ko wo Aashu se share karti thi,jaha fans jati thi waha uss se opinion leti thi,aksar Aashu ka decision sahi hota tha. Kabhi dekha nahi tha usko shayad isiliye usko isiliye bina hesitation ke wo sab baat usko bata deti thi. Maana Siddhant uska sabse achcha dost tha per uski vyastata aur pareshaniyo ko dekhte huye apni kisi baat se usse pareshan karna Aru ko uchit nahi lagta tha.
Achanak Aru ke mobile ki ghanti baji.
"hi Aashu! abhi tumhare bare me hi soch rahi thi main"call receive karte hi Aru boli.
"soch rahi thi to call kyu nahi kiya? humein baat kiye huye 5 din ho gaye hain" usne ulahna diya.
"abhi call karne hi wali thi ki tumne kar diya"
"bahane to apke paas kayi hain"
"I swear bhai! sachmuch call karne wali thi"
"chalo,koi nahi..tumhari telipathy kaam kar gayi aur maine call kar diya,achcha batao kya kar rahi ho?class me ho?"
"nahi,aj chhutti per hu,Siddhant aj ghar aa raha hai.hum barso baad fursat se milenge"wah chahaki.
"tumhari aawaz me aisi khushi maine pahle kabhi mahsoos nahi ki hai,tum hamehsa aise hi khush raha karo"
"chahti to main bhi hu aisa,per andar se khushi mahsoos nahi hoti mujhe kabhi"
"ohho,fir udasi,my sweet sis,aj tumhara dost aa raha hai,tumhara best buddy! atleast aj to khush raho,atleast for a day"
"tum thik kah rahe ho Aashu,maine soch liya hai,aj purane dino ko yaad karungi uske sath,I really miss those days"
"you are nostalgic,janti ho,jo log apne purane din,purane dosto,purane parichit logo ko nahi bhulte,wo rishte nibhane me perfect hote hain,baut honest hote hain apne relation me.."
"thanx itni achchi jankari dene ke liye...achcha to fir baad me baat karte hain..lagta hai wo aa gaya" door bell sunn kar Aru ne Ashu se vida liya.
END OF PART-1
No comments:
Post a Comment